எந்திரனுக்கு எதிராக குவாட்டர்!

படத்திற்கு பின்னணி பேசும் கலைஞர்களிடம் விசாரித்தால் படத்தின் ரிசல்ட்டை துல்லியமாக சொல்லி விடுவார்கள். "சுப்ரமணியபுரம்', "நாடோடிகள்' வெற்றியை முன்கூட்டியே சொன்னவர்கள் டப்பிங் கலைஞர்கள்தான். இதனால் "எந்திரன் படத்திற்கு டப்பிங் பேசியவர்களை துரத்தி துரத்தி ரிசல்ட் கேட்டு வரு கிறார்கள் விநியோகஸ்தர்கள். மிக அதிகபட்சமாக 700 பேர் டப்பிங் பேசி யிருக்கிறார்கள் "எந்திர'னுக்கு. படத்தைப் பற்றி எல்லோருமே பாஸிடிவ் ரிசல்ட் தர... வியாபாரம் படு சூடு.

ஆனாலும் இந்த மாதம் 24-ந்தேதி, 30-ந்தேதி, அடுத்த மாசம் 1-ந்தேதி... என மூணு விதமான ரிலீஸ் தேதி உலவிக் கொண்டிருக்கிறது. "சன்'னும் ரிலீஸ் தேதியைச் சொல்லாமல் சஸ்பென்ஸ் கூட்ட...
தயாநிதி அழகிரி தரப்போ "எந்திரன்' ரிலீஸ் சமயத்தில் தங்களது "வ-குவாட்டர்-கட்டிங்' படத்தை கொண்டு வர ஜரூராக இருக்கிறது.


கமல் படத்தில் சூர்யா!


கமலின் "மன்மதன் அம்பு' படத்தில் ஒரு கெஸ்ட் ரோல். "சூர்யா' என்பது கே.எஸ்.ரவிக்குமார் சாய்ஸ். நண்பரான சூர்யாவிடம் பேசி சம்மதிக்க வைத்து விட்டாராம் தயாரிப்பாளர் உதயநிதி.


அஞ்சனா யள் ஸ்ரேயா!


தெலுங்கு ஹீரோயின் அஞ்சனாவுக்கு கோலிவுட் ஆசை. ஹைதராபாத்திலிருந்து கிளம்பி வந்து சென்னையில் டேரா போட்டார். சில படங்களுக்கான பேச்சுவார்த்தையும் நடந்த நிலையில்... "அந்தப் பொண்ணு தெலுங்கு ஹீரோ ராணாவை லவ் பண்ணுது. அதனால் அடிக்கடி ஷூட்டிங்கை கேன்சல் பண்ணிட்டு ராணா வைத் தேடி காணாமப் போக வாய்ப்பிருக்கு' என ஸ்ரேயா ஆஃப் த ரெக்கார்டாய் அடித்து விட்டிருக்கிறார்.

ஹைதராபாத்துக்கு கிளம்பிப் போன அஞ்சனா தன் ஆசை ராணாவிடம் ஸ்ரேயாவைப் பற்றி போட்டுக் கொடுத்தாராம். விளைவு... ராணாவின் படத்தில் நடிக்கவிருந்த ஸ்ரேயாவின் வாய்ப்பை இலியானாவுக்கு கொடுத்திட்டாராம் ராணா!


பட்ஜெட் அக்ரிமெண்ட்!


"அங்காடித் தெரு' வசந்தபாலனின் அடுத்த படம் "அரவாண்' பூஜை போட்டு ரெண்டு மாசமாச்சு. இன்னும் ஷூட்டிங் போகலை. சென்னைக்கு வெளியே பிரமாண்ட செட் போடும் வேலை மழையால் தாமதமாகி நடந்து கொண்டிருக்கிறது.

"செட்டு ரெடியான பின்னாடி அங்க எடுத்துக்கலாம். மத்த போர்ஷனை எடுங்க' என தயாரிப்பாளர் சிவா சொல்ல... வசந்த பாலனோ "செட்டு ரெடியாகட்டும்' எனச் சொல்லிவிட்டார். படப் பிடிப்பு தாமதமானால் பட்ஜெட் எகிறும் என்பதால் "இதுக்குள்ள முதல் காப்பி எடுத்துத் தரணும். கூடுதல் செலவானா அது ஒங்க பொறுப்பு' என புது அக்ரிமெண்ட் போட்டாராம் சிவா. வசந்தபாலனும் ஓ.கே. சொல்ல... நிலைமை சுமுகமாகியிருக்கிறது.


பெரிய இடம் வெளியிடவிருக்கும் "பறவை' படத்தின் இசைவிழா சமீபத்தில் நடந்தது. விழாவில் கலந்து கொள்ள ஆசை ஆசையாக கிளம்பி வந்தார் படத்தின் நாயகி. ஆனால் இந்த நாயகி "மாமனார்- மருமகள்' படத்தில் மருமகளாக நடித்தவர். நிகழ்ச்சிக்கு வந்தால் மீடியாவெல்லாம் "மருமகள்' வேஷம் குறித்தே கேட்டு விழாவின் நோக்கத்தை திசைமாற்றுவார்கள் என்பதால் "விழாவுக்கு வர வேணாம்' என தடை போட்டுட்டாங்களாம் படக்குழுவினர்.