ட்வென்டியத் செஞ்சுரி பாக்ஸ் நிறுவனத்தின் ஆசிய கிளை நிறுவனம் பாக்ஸ் ஸ்டார் இந்திப் படங்களைத் தயாரித்தும், ஹாலிவுட் படங்களை விநியோகித்தும் வருகிறது. உலகப் புகழ் பெற்ற இந்த நிறுவனம் இந்திப் படங்களைத் தொடர்ந்து தமிழ்ப் படங்களையும் தயாரிக்க முன்வந்திருக் கிறது. அதை ஒரு வெற்றிகரமான இயக்குநருடன் சேர்ந்து செய்தால் சரியாக இருக்கும் என்று யோசித்த போது, அவர்கள் தேர்ந்தெடுத்தது ஏ.ஆர். முருகதாஸை.
"தீனா', "ரமணா', "கஜினி' என மூன்று தொடர் வெற்றிகளைக் கொடுத்த முருகதாஸ், தமிழ் "கஜினி'யை அமீர் கானை வைத்து இந்தியில் இயக்கினார். அந்தப் படம் 250 கோடி ரூபாய் வசூல் செய்து சரித்திரம் படைத்துள் ளது. இதையெல்லாம் கணக்கெடுத்து முருகதாஸை தனது தமிழ்ப்பட பார்ட்னராகத் தேர்வு செய்தார்கள்.
முருகதாஸ் இதன் மூலம் தயாரிப்பாளர் அவதாரம் எடுத்து, ஏ.ஆர். முருகதாஸ் புரொடக்ஷன் என்ற பட நிறுவனத்தைத் தொடங்கி பாக்ஸ் ஸ்டார்ஸ் நிறுவனத்தோடு இணைந்து ஒரு படத்தைத் தயாரிக்கக் களம் புகுந்துள்ளார்.
இந்தப் படத்தை முருகதாஸின் சீடர் சரவணன் இயக்குகிறார். ஜெய்- விமல் நடிக்கிறார்கள். நாயகி? தேடிக் கொண்டிருக்கிறார்கள்!
""திறமையான புதியவர்களை வைத்து முதலில் படம் தயாரிப்பது; பின்னர் பெரிய ஸ்டார்களை வைத்துப் படம் பண்ணுவதுதான் எங்கள் திட்டம். தமிழைத் தேடி ஹாலிவுட் வந்திருக்கிறது. தமிழ் இனி ஹாலிவுட்டை நோக்கிப் போகும்'' என்கிறார் முருகதாஸ்!
No comments:
Post a Comment