shockan.blogspot.com
திரைப்பட உலகில் இப்போதெல்லாம் தங்களைத் தாங்களே புரமோட் செய்து கொள்கிறார்கள். அந்த மாதிரி புதுமுக நடிகர் சதீஷ் .எஸ் "கால்கொலுசு' என்ற படத்தைத் தயாரிக்கிறார். எழுத்து இயக்கமும் சதீஷ்தான். ஹீரோவும் இவரே.
காதலின் சுகத்தையும் வலியையும் உணர்த்தும் கதை. சுகத்தையும் வலியையும் கொடுப்பவர்கள் நீது, சஹானா ஆகிய இரு நாயகிகள்.
கிராமத்துக் காதலர்களான சதீஷ்- நீதுவைப் பிரிப்பதற்காக அவர்கள் குடும்பத்தினர் பல தில்லாலங்கடி திட்டங்களைத் தீட்டுகிறார்கள். வில்லன்களை வைத்து ஹீரோவை அடித்து அச்சமூட்டி பிரிக்கவும் முயற்சிக்கிறார்கள். ஆனால் காதலைப் பிரிக்க முடியவில்லை. அவர்களைப் பிரிக்க ஒரு பெண் குட்டியைக் களம் இறக்குகிறார்கள். அந்த கவர்ச்சிப்புயல் சஹானா.
சஹானா தன் கவர்ச்சி வலையில் நாயகன் சதீஷை மாட்ட வைக்க முயல்கிறார். அதைப் புரிந்துகொண்ட சதீஷ், சஹானாவின் கவர்ச்சி வலையில் மயங்குவதுபோல் நாடகமாடுகிறார். இந்தக் காட்சிகளில் சஹானாவும் சதீஷும் மிகமிகமிக நெருக்கமாக ரசிகர்களை சூடேற்றும் விதமாக நடித்திருக்கிறார்கள்.
இதைப் பார்க்கும் நீதுவும் தனது காதலனைத் தன் வசப்படுத்துவதற்காக ஹீரோவின் உதட்டோடு உதடாக முத்தம் கொடுக்கிறார். இந்தக் காட்சி 97 முறை படமாக்கப்பட்டது.
(ஹீரோவுக்கு இது அல்வா சாப்பிட்ட மாதிரிதானே இருந்திருக்கும்?)
இந்தப் படத்தின் இன்னொரு ஹைலைட்- கண் பார்வையற்ற சந்தோஷ், இசைக் கல்லூரியில் படித்த சஞ்சீவ் இருவரும் இணைந்து இசை அமைத்திருக்கிறார்கள்.
இன்னொரு செய்தி சொல்ல மறந்திட்டேன். இந்தப் படத்தின் பாடல்களையும் இயக்குநர் சதீஷே எழுதி இருக்கிறார்.
இன்னொரு டி. ராஜேந்தர் உருவாகி இருக்கிறார். வெற்றி பெற்றால் வாழ்த்தலாம்.
No comments:
Post a Comment